Cәндік-қолданбалы өнер шебері. Ағаш, былғары, металл, тас және сүйекпен жұмыс істейді. Музыкалық аспаптар, түрлі кәдесыйлар, тостағандар, қораптар; былғарыдан – торсық, қамшы; күміс пен мельхиордан – тастар мен сүйектер кірістірілген зергерлік бұйымдар жасайды. Ол – қазақ халық шығармашылығы дәстүрін жалғастырушы шеберлердің бірі. Қалалық, республикалық көрмелерге, жәрмеңкелерге, байқауларға белсене қатысады. Шебердің туындылары Қазақстан мұражайларында, атап айтқанда Шығыс Қазақстан мұражай-қорығында және шетелдердегі жеке топтамаларда сақтаулы.